طريقة انشاء تطبيق قران كريم باستخدام سكتشوير ( بدون خبره )
بما إننا داخلين على شهر القران شهر رمضان ( كل سنه وانتم طيبين ) فاكيد انت بتفكر تعمل حاجه تفيد بيها الناس وتاخذ عليها اجر وثواب وتكون صدقة جارية ليك طول العمر. انا النهارده جايبلك طريقة هتخليك اغنى واحد في العالم حرفياً، وده عن طريق اننا هنتعلم ازاي نعمل تطبيق ( قران كريم ) من الموبايل وباستخدام تطبيق سكتشوير ومش هتحتاج تكون خبير في البرمجه او يكون عندك خبره عشان تعمل معانا التطبيق، الموضوع اسهل ما يمكن وهتاخذ حرفيا حسنات وثواب على كل شخص هيستخدم التطبيق بتاعك، وبكده هتكون اغنى شخص في العالم من كميه الحسنات اللي هتاخذها من التطبيق. يعني انت كده هتاجر مع الله.
انشاء تطبيق قران كريم
تقدر تصمم تطبيق قران كريم باكثر من طريقه:
- تقدر تستخدام ملف pdf جاهز للمصحف الكريم بشكل كامل ورفع هذا الملف على اي منصه تساعدك في برمجه التطبيقات.
- تقدر تصمم التطبيق من الصفر وفي المقاله دي هنتعرف على طريقة انشاء مشروع كامل لتطبيق قران كريم بشكل احترافي باستخدام تطبيق سكتشوير.
طريقه انشاء تطبيق قران كريم
هنتعرف اليوم على طريقه انشاء تطبيق قران كريم بشكل مفصل وزي متعرفنا فيما سبق باستخدام تطبيق سكيتشوير، تطبيق هيساعدك في برمجه التطبيقات بشكل سهل ومبسط. ولكن انهارده هنصمم التطبيق عن طريق مشروع جاهز هقدمو ليكم بشكل مجاني، ومش هتحتاج اي خبره مسبقه في العمل على سكيتشوير لتنفيذ التطبيق.
خطوات انشاء تطبيق قران كريم
- تحميل مشروع القران الكريم.
- تحميل برنامج سكيتشوير.
- فتح برنامج سكيتشوير.
- استيراد المشروع الجاهز من الملفات.
- التعديل على اسم ولوجو التطبيق.
- التعديل على الوان التطبيق.
- التعديل على البكدج نيم الخاص بالتطبيق.
- التعديل على اصدار التطبيق.
- الدخول الى واجهه التطبيق في برنامج سكيتشوير.
- الضغط على بناء في الاسفل على اليمين.
- تثبيت التطبيق.
وكدا اتعرفنا على خطوات انشاء تطبيق قران كريم على تطبيق سكيتشوير بشكل كامل.
مميزات تطبيق القران الكريم
- هتقدر تصمم تطبيق احترافي وجذاب
- تقدر تستخدام المشروع بشكل مجاني.
- التعديل عليه بشكل كامل بدون الحاجه الى خبره.
- يظهر اسفل كل صوره نوعها ( مكيه او مدنيه ) + عدد ايات الصوره.
- حجم الملف صغير جدا وبالتالي سيكون حجم التطبيق صغير جدا.
- لا توجد به اي اعلانات تزعج القراءه.
ما هو تطبيق سكيتشوير؟
هو تطبيق يسهل على المبتدئين برمجه بعض التطبيقات البسيطة والاحترافية بشكل سهل وبسيط. حيث انه يوفر العديد من الادوات البرمجيه التي ستساعدك في انشاء التطبيق الخاص بك. يمكنك انشاء الكثير من التطبيقات عليه بشكل مجاني، كما يمكنك احتراف تطبيق سكتشوير عن طريق ممارسته فقط ولا تحتاج الى دراسه لغه معينه من البرمجه.
طريقه التسويق لتطبيق القران الكريم
- تقدر تنزل التطبيق على العديد من المتاجر مثل متجر جوجل بلاي او متجر ابك بيور او العديد من المتاجر الاخرى.
- تقدر تعمل صفحه هبوط خاصه بالتطبيق وتسميها باسم التطبيق الخاص بيك ودا هيساعدك على انتشار التطبيق.
